Twitter
Facebook
Flickr
RSS
වහරක අරියචින්තාශ්‍රම විහාරාධිපති පූජ්ය වහරක අභයරතනාලංකාර හිමියන්ගේ පටිභාන කාව්‍යමය බුද්ධ පූජාව එම ස්ථානයට නොගිය අයට දැකගන්නට දුර්ලභ දසුනක්. ඉතින් ඒ සැමට දැකගත හැකි වන අයුරින් සජීවීව පටිගත කරන ලද වීඩියෝ පෙලක් රූප රාමු යොදා වඩාත් අර්ථවත් අයුරින් ඇසුරු කිරිමට අවස්ථාව මෙසේ සලසා දෙමි. නොපහන් වූවන්ගේ පැහැදීම පිණිසත් පහන් වූවන්ගේ වඩා පැහැදීම පිණිසත් මේ උතුම් පූජාවන් හේතුවක්ම වේවා!
පටිභාණ කවීත්වයෙන් මතුවෙන ශ්‍රී සත්ධර්මය...
කවි කියන්න පුළුවන් වගේම කවි ලියන්න පුළුවන් අයත් ලෝකේ ඕන තරම් ඉන්න පුළුවන්...
කවි සිතින් සිත සිතා පහල කරගෙන සටහන් තබන අයත් මොහොතක් හෝ විරාමයක් ඇතිව හිටිවන කවි පහල වන අයත් ලෙසින් නන් අයුරින් කවි අදහස් ඇතිවන්නුවන් ලෝකය පුරාම සිටිනවා...
ඒත් මේ කියන පටිභාන කවීත්වයේ විශේෂත්වය දැනෙන්න නම් එවැනි පටිභානමය කවීත්වය පැන නඟින තැනක සජීවීව දෙසවන් යොමු කර සිටින විට එය කොතරම් සුවිශේෂීද එය කොතරම් ආශ්චර්යමත්ද කියලා වැටහෙනවා...
මේ කවි කියවන ඔබට සමහර විට ඒවා සිතා සිතා ගෙතූ කවි පෙලක් ලෙසින් බැලූ බැල්මට සිතේවි... එහෙත් ඒ අත්දැකීම් සජීවීව විඳ ඇති මට නම් එවැනි කවීත්වයක් බුදු පියාණන් කල වූවායැයි සැලකෙන ද්‍රෝණ ඝර්ජනාවට දෙවෙනි විය නොහැකි බව ස්ථිරවම කිව හැක...
මන්ද ඒ කවි ගලා එන වේගයත්... ඒවා දිනෙන් දින වෙනස්කම් ඇතිව කියෙවෙන ස්වරූපයත්... ඒවා තුලින් පෙන්වා දෙන ගැඹුරු ධර්මය වැටහෙන පරිද්දෙන් සිත සමාධිගත වන අයුරුත්... ආදී නොයෙක් දෑ සජීවීව අත්දැකපු තවමත් අත්දකින මා හට නම් එය සම්මා සම්බුදු පියාණන් වහන්සේ පවා අනුමත කරන්නට ඇතැයි නුවණින්ම විමසා තීරණයක් ගත හැකි නිවන වෙතම උපකාර වන උතුම් දහම් මඟක්මය...
මේ අත්දැකීම සජීවීව අත්විඳිමින් එහි සුවිශේෂීත්වය තමන්ටම අත්දකින්ට වුවමනා ඇත්තන් සෙනසුරාදා දිනයන්හි උදෑසන 8.30 සිට දහවල් 12.00 වන තෙක් කාලය තුල වහරක අරියචින්තාශ්‍රමයේදී වහරක අභයරතනාලංකාර ස්වාමීන්ද්‍රයන් විසින් පවත්වන පටිභානමය කාව්‍ය මෙත් පූජාවට සහභාගී වෙත්වා!! තිසරණ සරණ ලැබ නිවී සැනසෙත්වා!!
Posts
2 comments:
බුදු රජාණන් වහන්සේ කවි මත දහම් දේශනා කළේ නැහැ. බුදු රජාණන් වහන්සේ කවි/ ගී ලෙස දහම්/ ගායනා නොකරන se ඔහුගේ භික්ෂූන්ta පැවසීය.
දහම් ගායනා ඉතා වැරදියි..........බුද්ධ ධර්මය ගැඹුරු ය
පූජ්ය ariyagnana ස්වාමීන් වහන්සේ සවන් දීමෙන් දහම් තේරුම්ගැනීමට උත්සාහ කරන්න
https://www.youtube.com/watch?v=hgQRGOeQxsM
රාගය ද්වේශය මොහය දුරු වෙනවානම්, පංච සුරාව පංච මේරයෙන් අන්ධ නොවේනම්, හැම වචනයක් පාසාම නිවන ගැනම කියවේනම් එය පවක් නොවේ. පටිභාන කවීත්වය යනු මහ රහත් උත්තම වහන්සේලාට පමනක් ලැබෙන ඥානයකී. නිවන් අවබෝධ වේවා !
Post a Comment